နှစ်သက်မိတာလေးတွေပါ

     ကိုဏီလင်းညိုက တက်ထားတယ်ဆိုပြီးလာအော်သွားတော့
တက်သွားမိပါရောလား။ ဟူး...တော်ပါသေးရဲ့ပေါ့။
အိပ်ယာ၊ပိုက်ဆံ၊သစ်ပင်၊စာအုပ်.......
ဆိုတော့ကား...
     “နှစ်သက်မိတာလေးတွေဆိုတဲ့ခေါင်းစဉ်အောက်ကဘဲ
      ရေးခွင့်ပြုပါတော့”

     စာအုပ်ကြိုက်တာကတော့ တော်တော်များများတူကြမှာပါ။
ငယ်ငယ်ကတော့ပျင်းရင် ဖေဖေ့စာအုပ်ပုံကြီးလျှောက်မွှေတော့တာဘဲ။
နိုင်ငံရေးစာအုပ်တွေကများတော့...ငယ်တုံးကတော့...နားမှမလည်
သေးဘဲ...ခေါင်းကိုက်တယ်ပေါ့...။အထက်တန်းရောက်တော့
ဗိုလ်ချုပ်အကြောင်းသိချင်တာနဲ့...ရဲဘော်သုံးကျိတ်အကြောင်း
စ ဖတ်မိရာက...စိတ်ဝင်စားသွားတော့တာ။နောင်တော့ အားလပ်ရင်
စာအုပ်အဟောင်းတန်းလျှောက်မွှေ၊ မဝယ်နိုင်ရင်လဲ အမြည်း
လျှောက်လှန်ဖတ်...။
ခုလဲ...အခန်းတခါပြောင်းရင် စာအုပ်တွေ စာရွက်စာတန်းတွေက
ပိုများနေတယ်။ မြန်မာစာအုပ်တွေ မဂ္ဂဇင်းတွေလဲဝယ်ဖတ်တော့
တပုံကြီးဖြစ်နေပါရောလား။ တခါတခါဝယ်ပြီး အလုပ်မအားလို့
မဖတ်ဖြစ် နောက်လအတွက်အသစ်တွေကထပ်ထွက်လာပြန်နဲ့။
နှစ်သက်တာလေးတွေတွေ့ရင်လဲ ပရင့်ထုတ် ဖြတ်ညှပ်ပြီး
ဖိုင်ထဲထည့်ထား။တနှစ်တခါ စာရွက်စာတမ်းရှင်းလင်းရေး
လုပ်ရင်လည်း ဒီဟာလေးကတော့နှမြောလို့...ဟိုစာအုပ်တွေ
မဂ္ဂဇင်းတွေကတော့ရှိပါစေ...စသဖြင့်.....
နောက်ဆုံးတော့...ကိုယ်ထမ်းထားရတာမှမဟုတ်တာ...
အခန်းပြောင်းဖြစ်မှဘဲ...ထားလိုက်တော့မယ်ဆိုပြီး...
ထားလိုက်တာ...ခုတော့..........။

     ကိုယ်က နိုဝင်ဘာမှာမွေးလို့လားမသိဘူး
ဆောင်းရာသီကို သိပ်ကြိုက်တာ။
ငယ်ငယ်တုံးက သူငယ်ချင်းတွေနဲ့ ကိုယ်မွေးတဲ့ရာသီ
တွေအကြောင်းငြင်းခုန်ကြရင် ဆောင်းရာသီမှာမွေးသူ
တွေက ကိုယ့်အနားမှာ ဂုဏ်ယူစွာနဲ့လာရပ်ကြတယ်။
ကိုယ်ပြောတာက...
      မိုးရာသီမှာ...မိုးရွာရင် လူတွေကအိမ်ထဲကအိမ်ပြင်
မထွက်ချင်ကြတော့ဘူး...ကိစ္စရှိလို့မသွားမဖြစ်သွားရ
ပြန်ရင်လည်း စိတ်ညစ်တဲ့မျက်နှာတွေနဲ့ မိုးရွာထဲမသွားချင်
ပါဘူး...ဘာ...ညာ...ဆိုပြီးပြောကြတယ်ပေါ့.......
     နွေရာသီကျတော့ရော...ပူအိုက်လွန်းလို့ချွေးတွေကရွှဲ
မျက်နှာမှာလည်းချွေးစည်းကြောင်းတွေနဲ့...ခန္ဓာကိုယ်မှာလည်း
ချွေးတွေရွှဲလို့ ရှုံ့မဲ့နေကြတာဘဲပေါ့။ အဝတ်အစားချွတ်ပြီး
လမ်းလျှောက်လို့လဲမရ.....စသဖြင့်ပေါ့ ။
     အဲ.....ဆောင်းရာသီလဲရောက်ရော လူတွေက
ပြုံးလို့ရွှင်လို့ ကျောင်းတွေကပိတ်...အပျော်ခရီးတွေထွက်ကြ
မနက်စောစောထပြီး ပြေးတဲ့သူပြေး မီးလှုံတဲ့သူလှုံ
လက်ကလေးတွေချိက်ပြီးလမ်းလျှောက်ကြနဲ့ ဘယ်လောက်
ပျော်ဖို့ကောင်းလဲပေါ့ ။ကလေးတွေအချင်းချင်းလည်း
တယောက်နဲ့တယောက်အာငွေ့လေးတွေ အပြိုင်
မှုတ်ထုတ်လိုမှုတ်နဲ့ ၊တယောက်နဲ့တယောက်တွေ့ရင်လည်း
မျက်နှာလေးတွေပြုံးပြီး ကိုယ်လေးတွေကြုံ့လို့ ကျေနပ်တဲ့
မျက်နှာတွေနဲ့...ချမ်းလိုက်တာနော်...လို့ပြောကြသေး...။
အဲဒီလိုပြောပြီးအနိုင်ယူခဲ့တာ...း)  ။
     ကြီးလာတော့ရောဆိုတော့.....
     SAGITTARIUS........ပေါ့
ခြေလေးချောင်းနဲ့ အပြေးမြန်လိုက်ပုံများ.....
လူခန္ဓာကိုယ် လူဦးဏှောက်နဲ့တွေးတောဆင်ချင်နိုင်ရုံမက
လေးနဲ့မြားပါလက်ထဲကိုင်ထားလိုက်တော့.....
ရန်သူတွေကအနားမကပ်နိုင်ဘူး...း)
ထိုင်းဘုရင်ကြီးလည်း SAGITTARIUS  ဘဲပေါ့။
သဘောကတော့...ကြီးကြယ်မြင့်မြတ်တဲ့နိုင်ငံ့ခေါင်းဆောင်
တွေလဲအဖွဲ့ဝင်ပေါ့း)
မွေးတော့လဲ တနင်္လာနေ့ ဆိုတော့.....
     “တနင်္လာကျား ဘုရားသား”   ဆိုရင်
      ကျန်တဲ့သူတွေ တိတ်ကုန်ရေား))


   
     နိုဝင်ဘာ မှာမွေးလို့ သူငယ်တန်းတုန်းကတော့
၆လလောက် နောက်ကျခဲ့ရတယ်။ကျောင်းတွေက
ဇွန်မှာဖွင့်တော့ ၆လ လိုသေးလို့ဆိုပြီးအပြင်ကျူရှင်မှာ
သူငယ်တန်းလေးသဘောမျိုးတက်ခဲ့ရတယ်။ကျုရှင်
တက်တော့ ရတဲ့မုန့်ဖိုးလေးထဲက ကျောက်တံတချောင်း
အရင်ဝယ် ပိုမှမုန့်ဝယ်စားတတ်တယ်။နေ့တိုင်းကျောက်တံ
ဝယ်တာ။ အိမ်မှာလဲကျောက်တံတွေအများကြီးဘဲ
ဝယ်ထားတာ။ အဲဒါနဲ့ ဖေဖေက သား ဘာဖြစ်လို့
ကျောက်တံတွေကြီးဘဲဝယ်နေရတာလဲ၊ မုန့်ဝယ်စား
ပါလား အိမ်မှာလဲအများကြီးဖြစ်နေပြီ လို့ပြောတော့
ဘာပြန်ဖြေရမှန်းမသိဘူး။ နောက်တော့ ဖေဖေက
ပြောလိုက်လို့လားမသိဘူး။ ဆရာက ကိုယ့်ကို
ကျောက်တံမရောင်းတော့ဘူး။
အဲဒီတော့မှဘဲ အဝယ်ရပ်တော့တယ်။
ခုလဲ ဖောင်တိန်တွေ ဘောလ်ပင်တွေ ကိုယ့်ဆီမှာ
အများကြီးဘဲ...။ကိုယ်တိုင်ဝယ်တာတွေရော.....
လက်ဆောင်ရတဲ့ ဟော်တယ်တံဆိပ်တွေနဲ့ရော.....
ဟိုအဖွဲ့ ဒီအဖွဲ့ က တံဆိပ်တွေနဲ့ဘောလ်ပင်တွေရော
(ခင်တဲ့သူတွေကို လက်ဆောင်ပြန်ပေးမှဘဲ
  ကုန်သလောက်ဖြစ်သွားတော့တယ်...း)     )
 
     ကိုယ်ကတော့...နားရက်ရောက်ရင်ရုပ်ရှင်ကြည့်
ဖြစ်တယ်။ အရမ်းလူပြောများတယ် ကိုယ်ကြိုက်တဲ့မင်းသား
မင်းသမီးတွေပါတယ်ဆိုရင်တော့ ရုံမှာဘဲသွားကြည့်ဖြစ်တယ်။
အိမ်မှာတော့ အသိ တယောက်က လက်ဆောင်ပေးထားတဲ့
အသံသေတ္တာတွေ တော်တော်များများပါတဲ့ ကြည့်စရာစက်
လေးတခုတော့ ရှိလေရဲ့။
မကြည့်ခင်တော့ ကြိုက်တဲ့အစားအသောက်လေးတွေ
ပြင်ဆင် ခုံလေးတလုံးပေါ်တင် အနားမှာထားပြီးဇိမ်နဲ့
ကြည့်တော့တာဘဲ။ အိမ်မှာကြည့်တော့ ဆေးလိပ်လဲ
သောက်လို့ရသလို အိမ်သာသွားချင်ရင်လည်း ခဏ
ရပ်ပြီးသွားလို့ရတယ်။ နားမရှင်းရင်လည်း ပြန်ရစ် ပြန်ကြည့်ပေါ့။
သီချင်းတွေလည်းနားထောင်ဖြစ်ပါတယ်။
မြန်မာဆန်ဆန်သီချင်းတွေရယ်...U2, ACDC, SANTANA
LIONEL RICHIE ,ABBA ,
တယောက်တည်းဆိုတော့ ကိုယ့်သဘောအတိုင်း
အဆိုတင်သွင်းလိုက်...ထောက်ခံလိုက်နဲ့ အဆင်ကိုပြေလို့
ကန့်ကွက်မဲမရှိ။ နောက်တယောက်ရောက်လာရင်တော့
ညှိုနှိုင်းရမှာတို့..... ခွင့်ပြုချက်တောင်းခံရမှာတို့...
အိမ်ထဲမှာဆေးလိပ်မသောက်ရဘူးတို့ဆိုတဲ့........
တားမြစ်ချက်တွေ...အမိန့်တွေနဲ့ရင်ဆိုင်ရတော့မှာဆိုပြီး
တခါတခါတော့....................
(ဘယ်တော့မှန်းလဲမသိသေးဘဲနဲ့.....း)))     )


     ပြီးတော့...ကိုယ်က မန္တလေးကိုချစ်တယ်။ အထူးသဖြင့်
မန္တလေးသင်္ကြန်ကိုပေါ့။ စာတွေ၊ ရုပ်ရှင်တွေထဲမှာ
မန္တလေးကိုတဖွဲ့တနွဲ့ရေးတာ ပြတာ အရမ်းသဘောကျ
မိတယ်။ မန္တလာသူလေးတွေရဲ့ ကျွန်တော်လို့ပြောသံ
လေးတွေက အရမ်းနားထောင်လို့ကောင်းတယ်လို့
ထင်မိတယ် ။အဲဒါကြောင့်နဲ့ဘဲတူရဲ့ ရန်ကုန်မှာကျောင်း
လာတက်တဲ့ မန္တလေးသားနဲ့ သူငယ်ချင်းဖြစ်ခဲ့ရပြီး
ကိုယ့်ရင်ထဲက “လမင်းလေး” နဲ့လည်းဆုံခဲ့ရတာပေါ့။
ကိုယ့်သူငယ်ချင်းရဲ့ညီမလေးပေါ့။
     လမင်းလေး က ဆေး(၁)ကို မြေနီကုန်းကအဆောင်
ကနေ ကျောင်းတက်တယ်။တနေ့တော့ သူငယ်ချင်းက
မန္တလေးက သူတို့မိဘတွေလူကြုံပေးလိုက်တဲ့ပစ္စည်းတွေကို
သူ့ညီမဆီသွားပေးဖို့ ကိုယ့်ကို အဖော်လာခေါ်ပါလေရော
အဲဒီမှာ ပထမဆုံးအကြိမ် လမင်းလေး နဲ့ စတွေ့ရတာ။
     လမင်းလေး တို့ အဆောင်နားကလ္ဘက်ရည်ဆိုင်မှာနှစ်ယောက်သား
စောင့်နေတုံး ခါးလောက်ရှိတဲ့နက်မှောင်နေတဲ့ဆံပင်
ထူထူရှည်ရှည်နဲ့ သနပ်ခါးလိမ်းထားပြီး မြန်မာဆန်ဆန်
ဝတ်ထားတဲ့ မန္တလာသူလေးတယောက် ကိုယ်တို့ ဝိုင်းကို
ရောက်လာပါရောလား။
     “ကျွန်တော်ကလေ...ကျွန်တော်ကပေါ့....”ဆိုပြီး
သူ့အစ်ကိုနဲ့ စကားတွေပြောနေလိုက်ကြတာ ။
အဲဒီအချိန်က ကိုယ့်ရင်ထဲမှာ ဘယ်လိုဖြစ်နေမှန်းမသိဘူး။
မွှေးကြိုင်နေတဲ့ လမင်းလေး ကိုယ်တို့ဝိုင်းမှာ လာထိုင်နေ
တာဘဲ သတိထားမိတယ်။ နှတ်တွေကလဲ ဆွံ့ အ နေလေရဲ့။
ခေါင်းကြီးငုံ့ပြီး ကုန်နေတဲ့လ္ဘက်ရည်ခွက်ကိုဆေးလိုက်
ရေနွေးတွေထည့်လိုက်...ဆေးလိပ်တွေဖွါထုတ်လိုက်နဲ့။
(စိတ်ထဲမှာတော့ သနပ်ခါးလေးတွေနဲ့ မျက်နှာလှလှ
ကလေးကို သေသေခြာခြာ တဝကြီးကြည့်နေချင်တား)     )
     ခဏကြာတော့ တဟွတ်ဟွတ်နဲ့ ချောင်းဆိုးသံကြားရပြီး
“ကိုကို့သူငယ်ချင်းကလဲ စကားလဲမပြောဘဲ ဆေးလိပ်မီးခိုး
တွေဘဲမှုတ်ထုတ်နေတာ ကျွန်တော် ပြန်တော့မယ်”ဆိုပြီး
ကိုယ့်ရဲ့မိုက်မဲမှုကြောင့် မွှေးကြိုင်နေတဲ့ လမင်းလေး
ကိုယ့်အနားက အလျှင်အမြန်ပျောက်သွားပါရော။
ကိုယ့် ကို ကိုယ်လဲ အထပ်ထပ်အခါခါ အပြစ်တင်မိပါရဲ့။
     အဲဒီလိုနဲ့ ကိုယ့်ရင်ထဲကလှပတဲ့အပင်လေးက
ကြီးပြင်းလာတဲ့အချိန်မှာ ကံကြမ္မာ ဇာတ်ဆရာက
ကြိမ်နဲ့ရိုက်လို့ နွေးထွေးလုံခြုံအေးမြတဲ့ အမေ့အိမ်
ကနေ အဝေးကို ထွက်ခွါခဲ့ရပါလေရော။
ကိုယ်ဘယ်နိုင်ငံဘဲရောက်ရောက်ကိုယ့်ရင်ထဲမှာတော့
့လမင်းလေး က အမြဲရှိနေဆဲပါ။ နှစ်အတန်ကြာတဲ့
အထိ အဆက်အသွယ်မလုပ်ခဲ့မိဘဲ တနေ့ကြတော့
မနေနိုင်တော့လို့ မန္တလေးက သူတို့အိမ်ကိုဖုန်းဆက်
လိုက်တော့ မြန်မာစကားမဟုတ်တဲ့ ဘာသာစကား
တွေနဲ့ ပြန်ပြောသံကြားရတယ် ပြီးတော့မှ မြန်မာစကား
နဲနဲ တတ်ပုံရတဲ့တယောက် ဖုန်းလာကိုင်လို့မေးမိတော့.....

     “စူလို့ ရန်ဂုန် ပြောင်းတွားလယ်
      နေရာဒေါ့ ဝ လဲ မီရှိပူး”      .          ဆိုတော့.........

ဘုရား ဘုရား တော်ပါသေးရဲ့ပေါ့။ ဒါနဲ့ သိချင်တာလေး
တခုထပ်မေးလိုက်တော့......

     “ဝ လို့ သိမ်းလိုက်ဖီလေ....ချာဘီဘဲ......
      ဘိုရှုပ် ထွမ်းကီ ရှိဒဲဂဘဲ”

ဖြစ်မှဖြစ်ရလေ လို့။

ကိုယ်ချစ်တဲ့ မန္တလေးကို နိုင်ငံခြားသား
တွေ သိမ်းပိုက်လိုက်ပြီတဲ့ ။

ကိုယ့်ရင်ထဲက လမင်းလေး ကလည်း ရန်ကုန်ပြောင်း
သွားပြီဆိုတော့ ဝ ပေးလိုက်တဲ့ ဖုန်းနံပါတ်နဲ့ ရန်ကုန်
အိမ်ကိုလှမ်းဆက်လိုက်တော့.........

     “အားရေး...အားကို...နိုင်ဂံဂျားဂို ထွက်သွားတယ်နော်...
      ဘယ်နိုင်ဂံ...ချွန်ဒေါ်လဲမသိဖူး.ရှိဒယ်....အားရေး...”

ကောင်းကြသေးရဲ့လားဗျာ............
.......လို့ဘဲမကြေမနပ်နဲ့ရေရွတ်မိတော့တယ်။
အားရေး   ပြောတဲ့ နိုင်ငံ ၅ နိုင်ငံထဲမှာ တနိုင်ငံမှာတော့
ရောက်နေလိမ့်မယ်။ တလက်စထဲဗျာ။ ဒီစာကိုဖတ်နေတဲ့
အထူးသဖြင့် စင်ကာပူ ၊ ဂျပန် ၊ ကနေဒါ ၊ ပြင်သစ် ၊
အမေရိကန် စတဲ့ နိုင်ငံတွေက သူငယ်ချင်းတွေကိုပါ။
AUSSIE (AUSTRALIA) မှာတော့မရှိတာသေခြာတယ်။
ဒီလိုပါ.....
ကိုယ့်ရဲ့ လမင်းလေး ကို သူငယ်ချင်းတို့နေတဲ့နိုင်ငံမှာ
တွေ့ခဲ့ရင် ကျေးဇူးပြုပြီး အကြောင်းကြားပေးကြပါ။
     လမင်းလေးက ဘယ်လိုပုံလဲဆိုတော့.........
     ကျက်သရေရှိတဲ့ မြန်မာဆန်တဲ့မျက်နှာပြုံးပြုံးလေးရယ်
     ခါးလောက်ရှည်တဲ့ဆံပင်နက်နက်ထူထူနဲ့ပါ။
     ဟို......ဗျာ.....
     MEL GIBSON  ပါဝင်ရိုက်ကူးတဲ့
     BRAVEHEART ကိုကြည့်ပြီးကြ့ပီမလား
     အဲဒီကားထဲကပြင်သစ်မင်းသမီးလေး
     SOPHIE MARCEAU   နဲ့ တပုံစံထဲဗျာ ။
     တကယ်ပြောတာပါ။

ကိုခိုင် လိုက်ရှာနေတယ်လို့ပေါ့။
အကြောင်းကြားပေးတဲ့သူတွေကိုကျေးဇူုးဆပ်တဲ့အနေနဲ့
သားပိုက်ကောင် တကောင်လုံးကင်ကျွေးမယ်ဗျာ။
AUSSIE BEER တွေလဲ အဝ တိုက်ပါ့မယ်။
အ်ိမ်အပြန်လက်ဆောင်အဖြစ် ကျောက်တံ တယောက်
တချောင်းစီနဲ့ ဘောလ်ပင် တချောင်းစီ လက်ဆောင်
ပေးလိုက်ပါ့မယ်။
ဘယ်လိုလဲ.........
ကူညီကြမယ်မလား.........

စိတ်ကြည်နူးစွာ ပျော်ရွှင်နိုင်ကြပါစေ။

ကိုခိုင်
(၂၅-၀၃-၂၀၁၀)
၀၇း၂၀