လှပမဲ့နိဒါန်းအတွက်.....
ကိုခိုင်
ကလေးတို့ရေ .....
ဟိုးရှေးရှေးတုန်းကပေါ့
ရွှေရောင်လွှမ်းခဲ့တဲ့တို့နိုင်ငံလို့
ဆိုရတော့မှာလား .....။
လတ်တလောမှာတော့ .....
ဆူသံ..ဆဲသံ..ငိုယိုသံတွေနဲ့ နံက်ခင်းကိုအစပြုလို့ ...
ရုပ်ရှင်ထဲကတနေ့-၃-နပ်
အိပ်မက်ထဲမှာတောင်စားခွင့်မကြုံကြဘူး ... ။
အတွေးတွေထဲမှာလည်း ...
“သမာအာဇီဝ”ဆိုတာ
တောင်းစားရတာလားလို့
ဇဝေဇဝါဖြစ်နေရတဲ့ဘဝတွေများ ... ။
ရင်ထဲကမချိပေမဲ့
ချနင်းခံနေရတဲ့ သားသမီးတွေ ...
ကမ္ဘာမှာမီးလောင်တာမသေခြာပေမဲ့
အမိမြန်မာပြည်မှာတော့ ..... ။
ကြည့်ကြစမ်းပါဦး ...
ပြန်သုံးမရတဲ့အမှိုက်စုတ်တွေက
ဆူးပင်ရိုင်းတွေလိုအနှံ့အပြား
အလေ့ကျပေါက်နေသလားထင်ရ ။
ပြိုလဲအက်ကွဲနေတဲ့နိုင်ငံမှာ ...
အလုပ်အကိုင်လည်းမရှိဘူး ...
စားသောက်စရာလည်းမရှိဘူး ...
သို့ပေသော်ငြား ...
လူလိုဟစ်နေသူတွေရဲ့အိတ်တွေကတော့ ...
ကြီးမားဖေါင်းကားလို့ ...။
အခုအချိန်မှာ ...
ဂျိုးကပ်မဲ့ဟိုတစုက
ဆွေးမြေ့နေတဲ့ပဒေသရာဇ်ဝတ်ရုံကို
ဖာထေး..ခြုံ..လို့ ...
အာဏာတည်စေသောဆိုတဲ့
တချက်လွှတ်အမိန့်တွေနဲ့ကျားကန်ပြီး ...
ဆီခန်းကာနီးမီးဇာလို
“ဟုန်း” ကနဲတောက်ဖို့ကြိုးစားနေပြီဆိုတော့ကာ ..... ။
မြည်းစမ်းကြည့်ကြပါလား ...
လူ့ဘဝရဲ့အရသာတွေကို
စွန့်လွှတ်စွန့်စားမှုကိုယ်စီနဲ့ ...
ဂုဏ်ယူစွာမှတ်တမ်းတင်နိုင်ဖို့ ... ။
ပြောခွင့်ပြုပါတော့ ...
အမိနိုင်ငံတော်ရဲ့ ...
လှပမဲ့ခေတ်သစ်နိဒါန်းအတွက်
နိုင်ငံသားတိုင်းမှာတာဝန်ရှိတယ်ဆိုတာကို ... ။ ။
(အမိနိုင်ငံတော်ကိုချစ်သူများအဖြစ်ဂုဏ်ယူနိုင်ကြပါစေ)
ကိုခိုင်
၁၆း၄၀
၉-၆-၂၀၁၀