မာန်
ကိုခိုင်
ထိုးခွဲခဲ့ရတာတွေက
ဂွမ်းဆိုင်တွေမှမဟုတ်ခဲ့တာ ...။
မိုက်ရူးရဲလို့ဆိုရအောင်
အသိဥာဏ်မဲ့သူတွေမဟုတ် ...။
စုတ်ပြတ်၊ညစ်ပတ်၊နံစော်၊မဲမှောင်နေတဲ့ဒီအခန်းကျဉ်းကို
ကဗျာဖွဲ့မယ်ဆိုရင်တောင်
နိုဘယ်လ်ဆုရလောက်တယ်
မိုးထိလျှံမဲ့သူရဲကောင်းတို့ရဲ့အသံတွေကလည်း
နံရံပေါ်မှာအပြည့်
ပါးလျှတဲ့ခန္ဒာဖြစ်ပေမဲ့
စူးရှတဲ့မျက်လုံးတွေက
သမိုင်းနံရံကိုထိုးဖောက်ကြည့်နေကြသလို ...။
ဆဲဆိုအော်ငေါက်ရိုက်နှက်သံတွေကြားက
အံကြိတ်ရင်းထွက်ပေါ်လာတဲ့
နှလုံးသားကအသံတွေကိုကြားဖူးကြလား ...
အလေးပြုခဲ့ကြရတာလည်းအကြိမ်ကြိမ်
စိုးရိမ်ထိတ်လန့်မှုတွေကိုရှုသွင်းနေရတဲ့ဘဝတွေကြောင့်
အရောင်တင်လိုက်သလို
ပိုပြီးတောက်ပြောင်လာခဲ့ကြရ ...။
ဘာလိုမလဲလေ ...
အဆုတ်ထဲမှာလဲလေတွေအပြည့်
ရေဖြည့်ထားတဲ့အစာအိမ်
လှည့်ဖြားလို့မရတဲ့ဦးဏှောက်
ခိုင်မာတောက်ပတဲ့ယုံကြည်ချက်တွေကသွေးကြောထဲ
သူရဲကောင်းတွေလဲဝိုင်းရံလို့ ...။
သမိုင်းတွင်မဲ့အကျဉ်းဒါဏ်တွေကြောင့်
မာန်တွေလျှော့သွားမယ်မထင်လေနဲ့
သက်တန်းကုန်သွားမယ်ဆိုရင်တောင်
မှောင်မိုက်မှာရယ်လိုက်ချင်သေး ...။
တနေ့ဆိုတာရောက်လာဦးမှာပါ။
တခါတလေတော့ ...
အစီအစဉ်အတိုင်းမဟုတ်ပဲ
အမြန်ကျော်ဖတ်ချင်နေမိတာ
လောကီသားဖြစ်နေလို့လား ...။
ဘာပဲဖြစ်ဖြစ် ...
နွားရိုင်းသွင်းချိန်ရောက်မှ
အိမ်ပြန်ရမယ်ဆိုရင်တောင်
တရားမျှတမှုတွေယူဆောင်သွားနိုင်ရမယ်
အမေ့အတွက်
အိမ်ပြန်လက်ဆောင်အဖြစ်ပေါ့ ..... ။ ။
( အန်တီစုနှင့်တကွနိုင်ငံရေးအကျဉ်းသားအားလုံး
အမြန်ဆုံးလွတ်မြောက်ပါစေ။ )
ကိုခိုင်
၂၇-၀၇-၂၀၁၀
၂၃း၄၀
