တောင့်တခြင်း
မောင်ငြိမ်းလူ ( ဟယ်လ်ပင် )
သက်သေပြစရာမရှိတဲ့
ကျဆုံးခြင်းလို့
မိစ္ဆာတွေ
ပြုံးနေတဲ့အခိုက်.....
ဝင်းပတဲ့
ကြယ်တပွင့်ဖြစ်သွားတော့
နင်းချစရာ
မြေမရှိတော့မှန်း
သူတို့...သိမ်ငယ်စွာနဲ့
သိမြင်သွားတယ် ။
အောင်မြင်ခြင်းဆိုတာ
ခင်ဗျားက
ကျနော့်ကိုသင်ပြသွားတယ်...။
ဒဏ်ရာရနေတဲ့
ခေါင်းဆောင်ကောင်းဟာ
သူ့ရဲဘော်တွေကို
သိပ်လှတဲ့မုသားကိုသုံးပြီး
တိုက်ပွဲကိုနိဂုံးချုပ်ပေးနိုင်တယ်တဲ့ ။
ရုတ်တရက်ဆိုတဲ့
စကားလုံးထက်
ရဲဘော်အတွက်
အဲ့ဒီည အိပ်ပျက်တယ် ။
ညတိုင်းမှာ
ခင်ဗျားရယ်
သူရဲကောင်းတွေအကြောင်း
အိပ်မက်ပေါင်းများစွာနဲ့
အိပ်ပျက်ခွင့်ပြုပါ... ။ ။
(စစ်အာဏာရှင်တို့၏အကျဉ်းထောင်အတွင်း
ကျဆုံးသွားခဲ့ရသော
ကျောင်းသားခေါင်းဆောင်
ကိုသက်ဝင်းအောင်သို့... )
မောင်ငြိမ်းလူ ( ဟယ်ပင် )
၎-၀၅-၂၀၁၀
၇း၂၀
ို
No comments:
Post a Comment