လမင်းလေးသို့အိတ်ဖွင့်ပေးစာ
“ချစ်သူများနေ့” တဲ့
ဘယ်နေရာသွားသွား “သူ့”ကိုကြိုဆိုဖို့ ပြင်ဆင်နေကြတယ်။
အသဲ ပုံတွေပြည့်လျှံ နေတဲ့ ကမ္ဘာကြီး.....
နှင်းဆီပန်းတွေ ပြန့်ကြဲနေတဲ့ ကမ္ဘာကြီး.......
လောလောဆယ်.....
အချစ်တွေ ဖုံးလွှမ်းနေတဲ့ ကမ္ဘာကြီး.....
“ချစ်သူများရယ်”
ကိုယ့် ကိုလဲ ကြိုဆိုခွင့်ပြုကြပါ။
ကိုယ့်စိတ်ကူးထဲက...နတ်သမီး...အဲ...း)
မင်းသမီးလေးအတွက်...
အိပ်မက်ထဲက... ချစ်သူလေးအတွက်...
“လမင်းလေးသို့အိတ်ဖွင့်ပေးစာ”
လမင်းလေးရယ်.....
ချစ်သူလေးရယ်.....
မင်းကို သိပ်ချစ်တယ်။
လမင်းလေးရယ်.....
စကားတတ်တဲ့ ချစ်သူလေးက...
ရှေ့နေ လုပ်မယ်ဆိုရင်.....
ဥပဒေလောကကြီးတခုလုံး တုန်လှုပ်သွားလိမ့်မယ်။
လမင်းလေးရယ်.....
ချစ်စဖွယ် အမူအရာလေးတွေရှိတဲ့ချစ်သူလေးက...
သရုပ်ဆောင်မယ်ဆိုရင်...
“ဟောလိဝုဒ်” မြန်မာပြည်ပြောင်းလာလိမ့်မယ်။
လမင်းလေးရယ်.....
သာယာတဲ့အသံရှိတဲ့ ချစ်သူလေးက...
သီချင်းဆိုမယ်ဆိုရင်...
“ဘရစ်သနီစပီးရား” မျက်ခုံးလှုပ်သွားလိမ့်မယ်။
လမင်းလေးရယ်.....
ကြင်နာသနားတတ်တဲ့ ချစ်သူလေးက...
ဒုက္ခရောက်နေသူတွေကို ကူညီမယ်ဆိုရင်...
ဒိုင်းနမိုက်တီထွင်ခဲ့တဲ့လူကြီးရဲ့အဖွဲ့က
“နိုဘယ်” ဆု ပေးလိမ့်မယ်။
လမင်းလေးရယ်.....
ကျက်သရေရှိတဲ့ ချစ်သူလေးက
အလှမယ် ပြိုင်ပွဲ ဝင်မယ်ဆိုရင်...
“ဒေါ်နယ်ထရန့်”က ဖိတ်စာပို့လိုက်လိမ့်မယ်။
သို့ပေမဲ့ကွယ်.....
လမင်းလေးရယ်.....
မင်းရဲ့ ရှည်လျှားနက်မှောင်နူးညံ့တဲ့ ဆံပင်လေးတွေကို
ကိုယ်တယောက်တည်း နမ်းပါရစေ။
မင်းရဲ့ သာယာတဲ့ အသံလေးတွေကိုလဲ
ကိုယ်တယောက်တည်း ကြားပါရစေ။
မင်းရဲ့ လှပတဲ့အပြုံးလေးတွေကိုလဲ
ကိုယ်တယောက်တည်း မြင်ပါရစေ။
မင်းရဲ့ ချစ်စဖွယ်အမူအရာလေးတွေကိုလဲ
ကိုယ်တယောက်တည်း ကြည့်ပါရစေ။
မင်းရဲ့ အချစ်တွေအားလုံးကိုလဲ
ကိုယ်တယောက်တည်း ပိုင်ဆိုင်ပါရစေ။
ကိုယ့်ရဲ့ အချစ်တွေအားလုံးကိုလဲ
မင်းတယောက်တည်းကိုပဲ ပိုင်ဆိုင်ခွင့်ပြုပါရစေ။
လမင်းလေးရယ်...
ချစ်သူလေးရယ်.....
မင်းကို သိပ်ချစ်တယ်။ ။
ကိုခိုင်
၁၄.၀၂.၂၀၁၀
်
Subscribe to:
Post Comments (Atom)
No comments:
Post a Comment