သူရဲကောင်းတို့ရဲ့ဒိုင်ယာရီ (၁)















ဗိုလ်မှုးကြီးစိန်မြ (အငြိမ်းစား)
     ၁၉၂၀-၁၉၉၃


( ကိုခိုင် )

၈၈၈၈-အရေးတော်ပုံအတွင်းမှာမျိုးချစ်တပ်မတော်သားများ၊ကျောင်းသားများ၊အရပ်သားများ
အသိပညာရှင်၊အတတ်ပညာရှင်များကိုစုစည်းပြီး..မြန်မာနိုင်ငံဒီမိုကရေစီရရှိရေး၊ လူ့အခွင့်
အရေးများရရှိရေးအတွက်ပြည်သူလူထုနှင့်အတူပူးပေါင်းပါဝင်ခဲ့ပြီး၁၉၈၈ခုနှစ်ဗိုလ်စောမောင်
ဥိးဆောင်အာဏာသိမ်းပြီးနောက်တော်လှန်ရေးနယ်မြေကိုထွက်လာတဲ့မြန်မာ့တပ်မတော်က
အဆင့်အမြင့်ဆုံးမျိုးချစ်တပ်မှုးဟောင်းတဦးကိုပြပါဆိုလျှင်..အဘ..ဗိုလ်မှုးကြီးဟောင်းဦးစိန်မြ
က်ိုပြရမှာဖြစ်ပါတယ်။
အဘဟာတော်လှန်ရေးနယ်မြေ..ဘုရားသုံးဆူဒေသကို ၁၉၈၉-ခုနှစ်လောက်ကရောက်ရှိ
လာခဲ့ပါတယ်။ လူငယ်များကကြည်ညိုလေးစားမှုအပြင်အသက်အရွယ်အရလည်း..
အဘိုးအရွယ်..အဘအရွယ်ဖြစ်တာကြောင့်အားလုံးက..အဘ..လို့ပဲခေါ်ကြပါတယ်။ အဘကလည်းမြေးအရွယ်တွေပင်ဖြစ်ပေမဲ့အဆိုပါလူငယ်တွေရဲ့မျိုးချစ်စိတ်ဓါတ်တွေကို
လေးစားတန်ဖိုးထားတဲ့အနေနဲ့လေးလေးစားစားပဲလူတိုင်းကိုပြန်လည်ဆက်ဆံပါတယ်။
အဘဟာ..မြန်မာ-ထိုင်းနယ်စပ်-ဘုရားသုံဆူဒေသကိုရောက်ပြီးမကြာခင်မှာပဲ..ပြည်တွင်း..
ပြောက်ကျားတိုက်ပွဲများဖော်ဆောင်ရန်အတွက်..၁၉၈၈လူထုအရေးတော်ပုံအတွင်း..ပြည်သူ
လူထုနှင့်ပူးပေါင်းခဲ့ကြပြီးတော်လှန်ရေးနယ်မြေကိုရောက်၇ှိလာကြတဲ့..မျိုးချစ်တပ်မတော်သား
များ တက္ကသိုလ်ကျောင်းသားများ လူငယ်များကိုစုစည်း၍ ပြည်သူ့ကာကွယ်ရေးတပ်
(P.D.F) ဆိုတဲ့အဖွဲ့ကို..၁၉၈၉-ခုနှစ်မှာဖွဲ့စည်းခဲ့ပါတယ်။  P.D.F တပ်ဖွဲ့အတွက်
လက်နက်အင်အား..ငွေအင်အားများအများဆုံးအကူအညီပေးခဲ့တဲ့
ဗိုလ်ချုပ်ဗရန်ဆိုင်းနှင့်တကွ..
ကချင်လွတ်မြောက်ရေးတပ်မတော်ကိုအထူးကျေးဇူးတင်ရပါတယ်။
အဘဟာ တပ်ဖွဲ့စည်းပြီးသည်နှင့် ပြည်တွင်းဆက်သွယ်ရေးလုပ်ငန်းများဆောင်ရွက်ခြင်း
ကျောင်းသားတပ်မတော် (A.B.S.D.F) နှင့်မဟာမိတ်အဖွဲ့အစည်းများအားစစ်ရေးအကြံဥာဏ်
များပေးခြင်း လူငယ်များအားစစ်ရေးပရိယာယ်များသင်ကြားပေးခြင်း ဆွေးနွေးခြင်းတို့ကို
မရပ်မနားလုပ်ကိုင်ဆောင်ရွက်ခဲ့ပါတယ်။တော်လှန်ရေးနယ်မြေအတွင်းမှာရှိတဲ့လူငယ်
်များသာမက..မဟာမိတ်ခေါင်းဆောင်များကပါလေးစားခြင်းကိုခံရသူတဦးဖြစ်ပါတယ်။
အသက်အရွယ်အရ အဘကို P.D.F တပ်ဖွဲ့ဝင်တွေက သက်တောင့်သက်သာနေစေလိုတဲ့
ဆန္ဒရှိပေမဲ့..အဘကတော့..တော်လှန်ရေးလာလုပ်တာဇိမ်ခံဖို့လာတာမဟုတ်ဘူးလို့အမြဲ
ပြောတတ်ပြီး..ဌက်ဖျားထူပြောတဲ့ P.D.F တပ်စခန်းဆီမှာသာလာနေတတ်ပါတယ်။
P.D.F တပ်ဖွဲ့တည်ရှိတဲ့နေရာတွေဟာ..ဌက်ဖျားထူထပ်တဲ့ဒေသဖြစ်ပေမဲ့..မဟာမိတ်ဆက်ဆံ
ရေးကိစ္စ..အခြားအရေးကြီးသောကိစ္စများရှိမှသာလျှင်..နယ်စပ်မြို့လေးများဖြစ်တဲ့..စမ်ခ..
မဲဆောက်..ချင်းမိုင်..စတဲ့မြို့လေးတွေကိုခဏသာသွားရောက်တတ်ပြီး..ကိစ္စတွေပြီးတာနဲ့
တောထဲက..တောင်အလယ်လောက်မှာဆောက်ထားတဲ့..စခန်းသို့သာပြန်လာတတ်ပါတယ်။
အသက်အရွယ်ကြီးတဲ့အတွက်..ဌက်ဖျားထူထပ်တဲ့ဒီနေရာမှာမနေသင့်ကြောင်း..နယ်စပ်
မြို့လေးလောက်မှာတော့နေသင့်ကြောင်း..တပ်ဖွဲ့ဝင်တွေကပြောကြပေမဲ့..ပြောလို့မရပါ။
P.D.F တပ်ဖွဲ့ဝင်တွေက သူတို့ချစ်တဲ့..အဘ..ကို အသက်ရှည်ရှည်နေလိုတဲ့ဆန္ဒ..တော်လှန်ရေး
ပြီးဆုံးသည်အထိတာဝန်ထမ်းဆောင်နိုင်စေရန်နဲ့..လွတ်လပ်တဲု့မြန်မာနိုင်ငံနဲ့ ပြည်သူလူထု
တင်မြှောက်တဲ့အစိုးရအဖွဲ့ကို မြန်မာနိုင်ငံထဲမှာ..ဝမ်းပန်းတသာမြင်တွေ့ခွင့်ရတဲ့အချိန်အထိ
ရှိနေစေလိုတဲ့ဆန္ဒတွေနဲ့ အကြံပြုကြတာပါ။ ပြောကြပါများတော့မှ..နဲနဲမြေပြန့်ပြီး..လမ်းတွေ
ဘာတွေသက်တောင့်သက်သာလျှောက်လို့ရတဲ့..နယ်စပ်ရွာလေးတရွာက..မဟာမိတ်
ဆက်ဆံရေးအတွက်ဆောက်ထားတဲ့အိမ်လေးမှာသွားနေပါတယ်။
ဒါလဲခဏပါ။ မကြာမကြာ တောင်ကြားထဲကစခန်းကိုပြန်လာပါတယ်။ တပ်ဖွဲ့ဝင်တွေမျက်နှာကို
တွေ့တာနဲ့အဘမျက်နှာဟာပြုံးသွားတော့တာပါပဲ..ပြီးရင်တယောက်စီနာမည်ခေါ်ပြီးလိုက်
မေးတော့တာပါပဲ။ အဲဒီအချိန်ကြရင်..အဘ..စခန်းမှာမရှိစဉ်အချိန်က..စခန်းကခပ်ဆိုးဆိုး
တွေကအစ..ငြိမ်ကုတ်နေတတ်ကြပါတယ်။၁၉၉၀-ခုနှစ်မှာအဘအသက်ဟာ-၇၀-ရှိလာပါပြီ။
အဘဟာ..မြေပြန့်မှာလမ်းလျှောက်ရင်တောင်..လမ်းလျှောက်ဒုတ်ကိုထောက်ပြီးခပ်ဖြေးဖြေး
ခြေလှမ်းခပ်စိပ်စိပ်သာလမ်းလျှောက်နိုင်တာပါ။ P.D.F စခန်းဟာ..တောင်ကြားထဲမှာဆောက်
ထားပြီး..တောင်တခုရဲ့အလယ်လောက်မှာပါ။ရေချိုးချင်ရင်တဖက်တောင်ကြောအောက်ကို
ဆင်းရပြီး ..တပ်အပြင်ကိုကိစ္စတခုခုနဲ့ထွက်ချင်တယ်ဆိုရင်တော့..စခန်းကနေတောင်ပေါ်ကို
တက်ပြီးမှ..နောက်တောင်ကြောတခုကိုဆင်း..လူငယ်ခြေလှမ်းနဲ့..မိနစ်-၂၀-၂၅လောက်
တောလမ်းခရီးကိုဖြတ်လျှောက်ပြီးမှ..မြန်မာပြည်ကသစ်တွေကိုခိုးထုတ်နေကြတဲ့ကားကြီး
တွေဖြတ်တဲ့လမ်းကိုရောက်တာပါ..ပြီးမှကိုယ်သွားရမဲ့နေရာကိုတောင်တက်တောင်ဆင်းနဲ့
ကြိတ်ပေရော့ ...။အဘအတွက်တော့..စခန်းမှာနေရာနဲနဲလောက်ပဲလျှောက်နိုင်ပါတယ်။
လမ်းလျှောက်ဒုတ်ကိုအားပြုပြီးလျှောက်တာတောင်မှ..မြေပြန့်မှာလျှောက်တဲ့နှုံးရဲ့တဝက်
လောက်ပဲလျှောက်နိုင်ပါတော့တယ်။စိတ်ဓါတ်အင်အားအရထက်သန်နေဆဲပါ။ အမြဲတမ်း
ကြည်လင်နေတဲ့မျက်နှာကိုသာမြင်ရပြီး..ခွန်အားရှိသောစကားများကိုသာကြားရပါတယ်။
P.D.F စခန်းတွေကို..ဘုရားသုံးဆူမကျခင်က..ဘုရားသုံးဆူ..ထို့နောက်..ဝှေ့မလိုင်..
ပြီးတော့မှ..စမ်ခလဘူရီခရိုင်အတွင်းက-မြန်မာ-ထိုင်း..နယ်စပ်တနေရာက..မွန်ဗဟို
( N.M.S.P) နဲ့ ကရိန်ကန်ဆိုတဲ့ရွာကလေးကြားက တောင်ကြောတနေရာမှာပြောင်းရွှေ့ဖွင့်
ခဲ့ပါတယ်။ အဲဒီစခန်းကိုတော့ထုံးစံအတိုင်း..တောထဲကဝါးတွေနဲ့ပဲဆောက်ခဲ့ကြတာပါ။
ခေါင်မိုးကတော့အဘတဲမှာသာ..သက်ကယ်မိုးထားပြီး..ကျန်တပ်ဖွဲ့ဝင်တွေရဲ့တဲတွေကို
ဌက်ပျောရွက်နဲ့သာမိုးခဲ့ကြပါတယ်။အဲဒီအချိန်က-၁၉၉၀-ခုနှစ်အောက်တိုဘာလလောက်
ကပါ။ စခန်းအပြောင်းအရွှေ့..ပြည်တွင်းဆက်သွယ်ရေးလုပ်ငန်းတွေအတွက်..ငွေကိုချွေတာ
ပြီးသုံးခဲ့ကြတာပါ။ အဘ..ရောက်လာတော့စခန်းတခုလုံးလျှောက်ကြည့်ပြီး..သူ့တဲကိုလည်း
သက်ကယ်တွေကိုပြန်ဖြုတ်ပြီး..ဌက်ပျောရွက်ပဲမိုးပေးဖို့..နောင်အဆင်ပြေမှ..တပ်ဖွဲ့ဝင်တွေ
တဲကို..သက်ကယ်မိုးပေးပြီးမှ..သူ့တဲကိုနောက်ဆုံးမှမိုးပေးဖို့ပြောတာပါ။အစားအသောက်
ဆိုရင်လည်း..သီးခြားသီးသီးသန့်သန့်ဖွယ်ဖွယ်ရာရာမလုပ်ဖို့အမြဲပြောပါတယ်။
အဘရဲ့ခေါင်းဆောင်ပီသမှု..အနစ်နာခံမှု..နိုင်ငံကိုချစ်မြတ်နိုးမှု..တော်လှန်ေ၇းသမား
တွေကို..ကြီးကြီးငယ်ငယ်လေးစားစွာဆက်ဆံတတ်မှုတွေဟာစာဖွဲ့၍ကုန်နိုင်မည်မဟုတ်ပါ။
အဲဒီလိုတပ်ဖွဲ့ဝင်တွေရဲ့ကြည်ညိုလေးစားမှုကြောင့်လည်း..မဟာမိတ်နှင့်တွဲဖက်တိုက်ခိုက်
ရေးထွက်ရန်ဖြစ်စေ..ပြည်တွင်းမှအဆက်အသွယ်များကိုသွားရောက်ကြိုဆိုရန်အတွက်
ရှေ့တန်းထွက်ရတဲ့အချိန်တိုင်းမှာ..တပ်ဖွဲ့ဝင်များဟာယူနီဖောင်းအပြည့်အစုံ..လက်နက်
အပြည့်အစုံနဲ့..အဘ..ကိုပထမအလေးပြုကြပါတယ်။ပြီးတဲ့နောက်..သေနတ်တွေကိုဘေးမှာ
ချပြီး..မြေကြီးပေါ်မှာထိုင်ကန်တော့ကြတာပါ။ အဘကလည်း..ဆုတွေပေးရင်း..မှာစရာ
ရှိတာတွေမှာလို့မဆုံးနိုင်ပါ။ ရှေ့တန်းထွက်မဲ့အဖွဲ့ထွက်သွားရင်လည်း တောင်ပေါ်အထိ
လိုက်ပို့ပါတယ်။ ပြီးတော့မှတောင်ပေါ်ကနေပြီး..မျက်စိထဲကပျောက်သွားတဲ့အထိကြည့်
နေတာပါ။
အဲဒီအဘ..မြန်မာနိုင်ငံကိုချစ်တဲ့အဘ..ဒေါ်အောင်ဆန်းစုကြည်ကိုလေးစားတဲ့အဘ...
ဗိုလ်ချုပ်အောင်ဆန်းတည်ထောင်ခဲ့တဲ့တပ်မတော်ကိုပြည်သူတွေချစ်ခင်လေးစားတာ
ပြန်မြင်ချင်တဲ့အဘ..မြန်မာနိုင်ငံမှာဒီမိုကရေစီအစိုးရကိုမြင်လိုတဲ့အဘ...
တော်လှန်ရေးသမားတွေကိုလေးစားတဲ့အဘ..တော်လှန်ရေးသမားတွေကလဲ
လေးစားတဲ့အဘဟာ..တော်လှန်ရေးတာဝန်တွေကိုနောက်ဆုံးထွက်သက်အထိ
ထမ်းဆောင်နေရင်း..၁၉၉၃-ခုနှစ်-ဒီဇင်ဘာလ-၁၂-ရက်နေ့..(၀၈း၃၀)အချိန်မှာ
ဘဝတပါးသို့..ကူးပြောင်းသွားခဲ့ပါတယ်။ အဘကိုဆုံးရှုံးလိုက်ရခြင်းဟာ အဘရဲ့
မိသားစုအတွက်သာမက..တော်လှန်ရေးတခုလုံးရဲ့ကြီးစွာသောဆုံးရှုံးမှုကြီးလည်း
ဖြစ်ပါတယ် ။  မြန်မာနိုင်ငံအတွက်ဆုံးရှုံးမှုတခုလည်းဖြစ်ပါတယ် ။
တော်လှန်ရေးတပ်မှုးကြီးတဦးဆုံးရှုံးမှုလည်းဖြစ်ပါတယ် ။
သူရဲကောင်းတဦးဆုံးရှုံးမှုလည်းဖြစ်ပါတယ် ။

အဘဦးစိန်မြ ( ဗိုလ်မှုးကြီးဟောင်း ) ကောင်းရာသုဂတိလားပါစေ။
အဘကိုရည်စူးသမျှကုလိုလ်အဝဝကိုလည်းအမျှပေးဝေပါတယ်။
ရောက်ရာဘုံဘဝကနေ သာဓုခေါ်နိုင်ပါစေ။
အဘရေ အမျှ..အမျှ..အမျှ...
သာဓု...သာဓု...သာဓု.....         ။                       ။

အဘဦးစိန်မြ (ဗိုလ်မှုးကြီးဟောင်း) ၏ ကိုယ်ရေးရာဇဝင်အကျဉ်း

အမည်            ။ ဦးစိန်မြ  ( ဗိုလ်မှုးကြီးဟောင်း )
မွေးသက္ကရာဇ်   ။ ၁၉၂၀-ခုနှစ် ၊အောက်တိုဘာ-၂၇-ရက် ။
မွေးရပ်ဇာတိ     ။ ဇာသပြင်ရွာ ၊ ဖားအံမြို့ ၊ ကရင်ပြည်နယ် ။
မိဘအမည်       ။ ဦးဖိုးမြိုင် ၊ ဒေါ်အေးချို ။
အိမ်ထောင်ရေး  ။ ဇနီး ဒေါ်စန်းမြင့် နှင့် သား-၃-ယောက်။ သမီး-၃-ယောက်
ပညာရေး         ။ ၁၀-တန်းအောင်...(၁၉၃၈-၁၉၃၉)


ဖက်ဆစ်တော်လှန်ရေးကာလ

၁၉၃၈-၃၉..တွင်..၁၀-တန်းအောင်ပြီးနောက်..ဗိုလ်ချုပ်အောင်ဆန်း၏တိုက်ရိုက်တာဝန်
ပေးချက်အရ..မြန်မာပြည်လွတ်လပ်ေ၇းလုပ်ငန်းစဉ်များကို..မြေအောက်လှုပ်ရှားမှု
တာဝန်ဖြင့်..ဆောင်ရွက်ခဲ့သည်။
ဂျပန်ပြည်..ဗိုလ်သင်တန်းအမှတ်စဉ်-၁-တွင်-၂-နှစ်ခွဲကြာတက်ရောက်ခဲ့ပြီး-၁၉၄၅
ခုနှစ်တွင်..သင်တန်းပြီးစီး၍မြန်မာပြည်ပြန်ရောက်လာခဲ့ပြီး..ဗိုလ်မှုးချုပ်ကျော်ဇော
အုပ်ချုပ်သော..ဗမာ့သေနတ်ကိုင်တပ်ရင်း-၃-တွင်တပ်စုမှုးအဆင့်ဖြင့်စတင်တာဝန်
ထမ်းဆောင်ခဲ့သည်။


လွတ်လပ်ရေးရပြီးကာလ


၁၉၄၈-၄၉..ခုနှစ်များတွင်..ဗမာ့သေနတ်ကိုင်တပ်ရင်း-၃-တွင်ဗိုလ်မှုးရာထူးအဆင့်ဖြင့်
တပ်ရင်းမှုးတာဝန်ထမ်းဆောင်ခဲ့သည်။
၁၉၅၆-ခုနှစ်တွင်..ကသာမြို့ရှိ..ကချင်-၁-သို့ တပ်ရင်းမှုးတာဝန်ဖြင့်ပြောင်းရွှေ့
ထမ်းဆောင်ခဲ့ရသည်။

၁၉၅၇-ခုနှစ်တွင် တပ်မဟာ-၂-တောင်ငူသို့ တပ်မဟာမှုးအဖြစ်-၆-လခန့်ပြောင်းရွှေ့
တာဝန်ယူခဲ့ရသည်။ ၎င်းနှစ်တွင်ပင် တပ်မဟာ-၈-ပုသိမ်သို့..တပ်မဟာမှုးအဖြစ်
ပြောင်းရွှေ့တာဝန်ယူခဲ့ရသည်။
၁၉၆၁-မှ-၁၉၆၄-အထိ..ပါကစ္စတန်နိုင်ငံတွင် စစ်သံမှုးတာဝန်ကိုထမ်းဆောင်ခဲ့သည်။
၁၉၆၁-ခုနှစ်-သြဂုတ်လတွင်..အင်ဒိုနီးရှားနိုင်ငံသို့..ဗိုလ်မှုးချုပ်သန်းဖေဦးဆောင်သော
စစ်မစ်ရှင်တွင် အဖွဲ့ဝင်အဖြစ် တလခန့်ပါဝင်လုပ်ဆောင်ခဲ့သည်။
၁၉၆၅-၁၉၆၉-ခုနှစ်များတွင်..စစ်တိုင်းမှုးတာဝန်များကိုထမ်းဆောင်ခဲ့သည်။
၁၉၆၉-၁၉၇၂-ခုနှစ်များတွင်..ပြည်ထဲရေးနှင့်သာသနာရေးဝန်ကြီးဌာနတွင်တာဝန်
ထမ်းဆောင်ခဲ့သည်။
၁၉၇၀-၁၉၇၂-ခုနှစ်အထိ..မဟာဗျူဟာမှုးတာဝန်ကိုပါပူးတွဲတာဝန်ထမ်းဆောင်ခဲ့ပြီး
ဗကပ-နှင့် နယ်ချဲ့တပ်များကိုတိုက်သည့်-၄၂-ရက်ကြာတိုက်ပွဲတွင်နာမည်ကြီးခဲ့ပြီး
မြန်မာ့တပ်မတော်တွင်သြဇာအာဏာကြီးလာခဲ့သည်။
၁၉၇၂-ခုနှစ်တွင် ပြည်ထဲရေးနှင့်သာသနာရေးဝန်ကြီးတာဝန်မှရပ်ဆိုင်းခံရပြီး
အဖမ်းခံရကာ..စစ်ခုံရုံးတင်၍ ထောင်-၃-နှစ်ခွဲချခြင်းခံရသည်။

၁၉၈၈-အရေးတော်ပုံကာလ

( ရ.က.သ ) ၏ အကြံပေးအဖြစ်ထမ်းဆောင်ခဲ့သည်။
လူငယ်ညီညွတ်ရေးတပ်ဦး ( YOUTH UNITED FRONT )၏ သဘာပတိတာဝန်ကို
ထမ်းဆောင်ခဲ့သည်။
၁၉၈၈-အရေးတော်ပုံကာလအတွင်း..မြေအောက်လှုပ်ရှားမှုများကိုလုပ်ဆောင်ခဲ့သည်။


မြန်မာ-ထိုင်း နယ်စပ်


၁၉၈၉-ခုနှစ်-ဇန်နဝါရီလတွင် တော်လှန်ရေးနယ်မြေသို့ ထွက်ခွါလာခဲ့သည်။
၁၉၈၉-ခုနှစ်-ဧပြီလတွင်..ဘုရားသုံးဆူနယ်မြေသို့ရောက်ရှိခဲ့သည်။
၁၉၈၉-ခုနှစ်-ဒီဇင်ဘာတွင်..ပြည်သူ့ကာကွယ်ရေးတပ် ( P.D.F )ကိုဖွဲ့စည်း
တည်ထောင် ဦးဆောင်ခဲ့သည် ။
ပြည်ထောင်စုမြန်မာနိုင်ငံအမျိုးသားကောင်စီ ( N.C.U.B ) တွင်
နိုင်ငံရေးဦးဆောင်ကော်မတီ၏အကြံပေးအဖွဲ့ဝင် နှင့်
စစ်ရေးကော်မတီ..တို့တွင်တာဝန်ယူခဲ့သည်။
အမျိုးသားဒီမိုကရေစီအဖွဲ့ချုပ်( လွတ်မြောက်နယ်မြေ ) N.L.D ( L.A ) ၏
ဗဟိုစည်းရုံးရေးကော်မတီဝင်အဖြစ်..တာဝန်ထမ်းဆောင်ခဲ့သည်။
၁၉၉၃-ခုနှစ်-ဒီဇင်ဘာလ-၁၂-ရက်နေ့-နံနက်-(၀၈း၃၀)အချိန်တွင်

တော်လှန်ရေးတာဝန်များထမ်းဆောင်ရင်းကျဆုံးခဲ့သည်။


(အဘဦးစိန်မြကောင်းရာသုဂတိလားပါစေ။)

ကိုခိုင်
၁၂-၁၂-၂၀၁၀
၁၂း၁၂