ထာဝရဂုဏ်ယူနေမည်


ထာဝရဂုဏ်ယူနေမည်
 ကိုခိုင်

“ဂျောက်” ကနဲ
“ဂျောက်”ကနဲ ...ကျနေတဲ့ပုတီးလုံးတွေနဲ့အပြိုင်
“ပေါက်”ကနဲ
“ပေါက်”ကနဲ ...ကျနေတဲ့မျက်ရည်စီးတွေနဲ့အတူ
သောက..တွေပါ
မြောပါသွားစေချင်ပြီ ...။

ဒီမှာတော့ ...
မိုးမလုံတာကတမှောင့်
တဒေါင့်ကတော့လေမလုံ ...
စောင့်ကြောင့်ထိုင်တွေးပေမဲ့
မနက်ဖြန်အရေးကရော့တိရော့ရဲ
ပျော့တိပျော့ပြဲထမင်းကိုရေထိုးလို့
ဈေးဖိုးအပိုမကျရအောင်ဆားခပ်လို့သောက်လိုက်တယ် ။

ဟိုမှာရော ...
“အသက်” စားတဲ့ ...
“ဌက်ဖျား” ဆိုတာကြီးများတက်နေပြီလား ...။

“ကျောက်ခဲ” လိုမာပြီး
“လောက်” “သဲ” တွေပါတဲ့ထမင်းကို ...
တိတ်ဆိတ်စွာနဲ့
ကြိတ်မှိတ်မြိုချနေရပြီလား ...။

အပြစ်ပြောမေးတဲ့ ...
စစ်ကြောရေးမှာရော
ထု..ရိုက်..ကန်ကြောက်ခံနေရပြီလား ...။

“လား” ပေါင်းများစွာက
“သား” ပေါင်းများစွာအတွက်ပူပန်လို့ ...။

“ဆွေး” မသွားသေးတဲ့
( ည...အိပ်ရာဝင်)
“တေး” သွားလေးတွေတော့မဟုတ်ပေဘူး ...။

အတွေးများ..သစ်လာချိန်မှာတော့ ...
အငေး ..သမားမဖြစ်နိုင်တော့ဘူးဆိုတာသေခြာနေပါပေါ့ ...။

အို ...    
ဘာပဲဖြစ်ဖြစ်
မနက်ကျရင်..ထမင်းအိုးပေါင်
သားတော်မောင်ကို
ထောင်ဝင်စာသွားတွေ့လိုက်ဦးမယ် ...    ။                ။

(နိုင်ငံရေးအကျဉ်းသားများ၏မိသားစုများအားဦးညွှတ်လျှက်...)

ကိုခိုင်
၁၉-၁၀-၁၀
၁၉း၀၀

ဖောက်ထွက်ရမည့်နေ့များသို့ ...

ဖောက်ထွက်ရမည့်နေ့များသို့ ...

ကိုခိုင်

ထမင်းမစားရတာကို
လက်ချိုးရေမယ်ဆိုရင်တောင်
ဆယ်ချောင်းကမယ်မထင်ဘူး ...
အရေးကြီးတာက
“ လှုံ့ဆော်စာ ” များများထုတ်နိုင်ဖို့
ဘာလိုမလဲလေ ...
ဌက်ပျောသီးတလုံးနဲ့လည်း
တနပ်စာပြီးလို့ရနေတာပဲ ..။

ချေးညှော်ကင်းဝေး
ကျန်းမာရေးဆိုတာသိသားပဲ
အဝတ်လျှော်ဖို့မပြောနဲ့
ရေချိုးရတာတောင်မေ့သလောက်ဖြစ်နေပြီ .. ။

ဘယ်သူပြောထားလဲ
ည..မှာမှ..အိပ်ရမယ်လို့
ဘယ်အချိန်ဖြစ်ဖြစ်
ဒီ “ ဝပ်ကျင်း ” လေးထဲ
ဇွတ်အတင်းကွေး
“ လွတ် ” သတင်းတွေရေုးပြီး
လုံခြုံစွာမှေးရဖို့လိုတယ် ။

ခရီးစရိတ်မရှိတော့လဲ
လမ်းလျှောက်ကြတာပေါ့
ဘုရားပေးထားတဲ့ခြေထောက်
အဝေးကြီးလျှောက်လို့ရသေးတယ် ။

အာဏာရှင်ရဲ့နှတ်ထွက်စကားနဲ့
ငရဲဒါဏ်တွေချမှတ်နေတာသိသားပဲ
ပခုံးပေါ်ကခေတ်သစ်တာဝန်တွေကို
ဖြစ်ညှစ်ပြီးထမ်းဆောင်နေရတာမှမဟုတ်တာ
သယ်..မ..ခွင့်ရတာကိုက
ဂုဏ်ယူစရာတခု
မွန်းမလွဲသေးချိန်တော့ ...
ပူချင်တိုင်းပူနေဦးမှာ ...။

နေ့စဉ်နေ့တိုင်း ...
ရဲစွမ်းသတ္တိတွေ ...
သစ္စာတရားတွေ ...
စွန့်လွှတ်စွန့်စားမှုတွေလွှမ်းခြုံလို့
ဆင်ခြင်တုံတရားကလမ်းပြနေတဲ့ဒီခရီးတလျှောက်
နေပူနေတဲ့အခါ
“ရေ” မသောက်ရလည်းရှိပါစေ
“အရိပ်” လိုလိုက်နေတဲ့
ဦးဏှောက်မရှိတဲ့ခန္ဒာတွေနဲ့တော့မတွေ့ချင်ဘူး ။


ဖောက်ထွက်ရတော့မယ်ဆိုရင်တော့ ...
ပေါက်ထွက်မှပဲတန်ကာကျမယ်
ဆန္ဒစောတယ်လို့ဆိုချင်ဆို
လက်နဲ့ခူးလို့မှီနေရင်
ကြွေကျချိန်ထိစောင့်မနေချင်တော့ဘူး ။           ။

( ပြည်တွင်းမှသူရဲကောင်းများအားဦးညွှတ်လျှက် ...)


ကိုခိုင်
၁၀-၁၀-၁၀
၁၅း၃၀