ပြင်ဆင်ရမည့်စာမျက်နှာများ
ကိုခိုင်
ဟော ...
အထုပ်တထုပ်
“ဘုတ်ကနဲ” ပြုတ်ကျလာပြန်ပါရောလား ... ။
အမောင်တွေကြားမှာ ...
ရွက်လိုရွက်
ထမ်းလိုထမ်း
ခါးတစ်ခွင်သူလည်းရှိရဲ့
တချို့ကြ
အရိပ်အခြေကြည့်ပြီး
ဘေးနားမှာအသာချလို့ ... ။
အရည်ပျော်ကျနေတဲ့
ရုပ်ဝတ္တုတွေအနားမှာတော့
သစ္စာတရားဆိုတာ
“ ချိုသလား ၊ ခါးသလား ”
“ အားလုံးကောင်းပါသည်ခင်ဗျား ” တဲ့လား ။
“ ဘယ်ပေါင် ၊ ညာပေါင် ” ပုတ်ပြီး
အတက်အဆင်းလုပ်ရမဲ့ခေတ်မဟုတ်တာလည်း
သတိရစေချင် ။
အဝန်းအဝိုင်းကျဉ်းလေးထဲ
အပြန်အလှန်ထိုးနေတဲ့လက်ညှိုးတွေအနား
ဆုတ်ဖြဲရမဲ့မျက်နှာဖုံးတွေက
လှောင်ပြောင်နေကြ ။
အဖြူထဲကနေခွဲထွက်သွားတဲ့
အရောင်တွေ ...
လူတွေ ...
သက်တန့်တွေအလား ... ။
ခုချိန်ထိ
“ ဘာလဲ ၊ ဘယ်လဲ ” ဆိုတာ
အပ်ကြောင်းထပ်အောင်အဖန်ဖန်ဖွင့်ခဲ့ကြပေမဲ့
ခေတ်ပေါ်ဓါတ်ပြားတွေထက်
ရောင်းကောင်းနေဆဲ ... ။
မြင့်မားလာတဲ့နောင်တတွေ
ဒါမှမဟုတ် ...
ပျိုမြစ်မှုတွေတိုက်စားခံရလို့
ငိုညစ်နေကြတုံးလား ... ။
ဟေ့ .....
မြင်ကြလား ...
လက်ပိုက်ပြီးကြည့်နေကြတဲ့
အာဇာနည်တွေရဲ့ဝိညာဉ်တွေ ...
မေးဆတ်လို့ပြနေကြတဲ့
သံတိုင်နောက်ကသူရဲကောင်းတွေကို ... ။
ကဲ ...
စဉ်းစားကြပါဦး
နိုဝင်ဘာရဲ့စာမျက်နှာတွေကို
ဘယ်လိုဖတ်ဖို့ပြင်ဆင်ထားကြမလဲ ။
ဖရောင်းတိုင်မီးနဲ့
သံမဏိကိုမြှိုက်နေတယ်လို့
ထင်နေကြသလား ။
အက်စ်ကီးမိုးတွေကို
“ရေခဲ” ရအောင်ရောင်းနိုင်ခဲ့ရင်
မီးပုံရှို့နိုင်တဲ့
“ရေခဲ” တွေလည်းတွေ့နိုင်ရမယ် ။ ။
ကိုခိုင်
၁၆-၀၈-၂၀၁၀
၁၅း၄၀